بديت بسم الله في مبتداها
الواحد المعبود علاّم الّاسرار
اللي جميع المسلمين يهداها
سبحان من بيديه تصريف الاقدار
وياراكب اللي ماشين في سماها
سواقها بين السماء والوطى سار
ومن المدرج رافعن مستواها
يمشي على بوصله وخارطه ومنظار
واليا بغاله نيتن ثم زواها
مكتوب عنده كل توجيه بزرار
تلفي على ناسن قليلن حياها
ويقطّعون الطرق يمين ويسار
اليا جوك بالمسجد كثيرن دعاها
وليا جوك بالشارع آليا مار فجّار
ناسن كبار وطايلاتن لحاها
ودقونها تجيلها سبعة امتار
واللي يطول لحيته مايحماها
يازين حلقت كل دقنه بمنشار
واشوف لي ناسن تبدل نساها
والي ماعنده بنت يامسندي بار
وليا منّه بدّلها ولحد بغاها
قال ارجعي يابنت خليك بالدار
ياما يلقاله ناس يعرف لغاها
وهم يعرفونه ثم بدوا بالاستمرار
وتبادلوا والبنت اخذوا رضاها
والكل منهم مادفع ربع دينار
واشوف لي ناسن تبيّع نساها
صاروا من مهور الضّعيفات تجّار
كلن شرا له فلتن ثم بناها
والواجهات رخام ماياضع احجار
وعندي نصيحه وافهموا بمعناها
نصيحتن قلته على نوع تذكار
بنتك ضعيفه لا تحمل خطاها
واحذر خطاها لا يوقعك بالنار
الشاعر / سويلم بن مريبد الجعفري العنزي
ليست هناك تعليقات:
إرسال تعليق