قصيدة مهداه إلى قبيلة المواهيب
من الشاعر سويلم مريبد الجعفري
والله ونعم كلكم يالمواهيب
ياللي لكم عند المخاليق هيبه
انتم حزام ودرع عند المواجيب
ليا اشتدت القاله وصارت صعيبه
يوم القبايل بين غلب ومغاليب
هذاك فاز وذاك حقه اغديبه
فرسانكم على المعادي جناديب
وفعولكم بالطيب ماهي غريبه
صديقكم ينال كل المكاسيب
وعدوكم كسبه خساره وخيبه
الطيب ما يستغرب من اهل الطيب
واحدكم بالميدان ينطح كتيبه
سويلم مريبد بن حبيب الجعفري
——————————————-
الرد عليها من الشاعر نواف بن إبراهيم الميهوبي
يا مرحبا بزين النبا والتراحيب
بالشاعر اللي من بيوت ٍ عريبه
جعافره من لابة العز والطيب
الجود فيكم كل حي ٍ دريبه
رجالكم يدرى ويحشم عن العيب
وعدوانكم بالحرب راحوا غليبه
تاريخكم سطر فعول واعاجيب
على الدلايل كل قصه عجيبه
من بعد جانا شعركم بالمكاتيب
قاف ٍ على الوافين لازم نجيبه
ورد الثنى واجب من الذيب للذيب
زود ٍ عليها من قريب إلقريبه
وحنا هل الحيزا رجال المواهيب
اهل الكرم والطيب ونفسٍ رحيبه
للجار والقربه وكل الاصاحيب
ومن سيفنا العدوان اقفت هريبه
نواف ابراهيم الميهوبي
ليست هناك تعليقات:
إرسال تعليق