بديت بسم اللي رفع سبع الأركان
الواحد المعبود جل جلاله
نزل كتابه للمخاليق برهان
سبحانه اللي كل مسلم يساله
ومن بعد هذا قلت بالنظم قيفان
اخذ جزيل القاف و اترك هزاله
الليلة يالأخوان تو الشعر زان
والشعر يامحلاه ياجا مجاله
يامرحبا عداد هتاف الأمران
وعداد من زار المدينه و جاله
هلابكم بحضور تخريج سلطان
الله يحييكم على كل حاله
جماعتي و عيال عمي و الاخوان
وجميع من جاء لحقلنا و من عنا له
لي الشرف بحضور ذربين الأيمان
حضورهم عندي تراها جماله
و من ماحضر مسموح في كل الأحيان
يكفي من الطيب دعا بالرساله
ووصيك ياسلطان في درب الأحسان
المسلم توفيقه بدرب العداله
خلك مع اهل الدين ياطير حوران
وابعد عن اهل الشر واهل الظلاله
وليا حكمت احكم بعلٍ و ميزان
وميزانك لايميل صوب الجهاله
وقدّر خويك دايم منين ماكان
من ربعك ولا عن طريق الزماله
وخويك اسمح له و لو كان غلطان
لو انه يخطي لاتبين خماله
نصيحة الوالد تراها لها شان
والوالد من حقه يوصّي عياله
ولا أنت حرٍ فاهمن ياكحيلان
دليله ماتحتاج من دلاله
وخدمة وطنك اتعب لها يابليهان
اللي انت بالميدان تلبس بداله
حما ترانا كلنا رجال سلمان
اللي جنوب الأرض ولا شماله
نبيع الاعمار بأرخص الاثمان
وحنا الوطن نموت له و نحيى له
حنا السعوديين بالحرب شجعان
والوطن مايفتكه الا رجاله
بأمر اخو نوره نقتحكم كل ميدان
وحنا الوطن نصير عمه و خاله
ان صار بالميدان عجٍ و دخان
والنار بالميدان شب اشتعاله
بسلاحنا نمشي على كل خوّان
وان مات ذاك يصير هذا بداله
من مات عند الارض والعرض كسبان
شهيد من يفتك عرضه و ماله
هذا الصحيح وعارفينه بالاديان
رسولنا المختار بالدين قاله
ومن بعدها صلوا على نسل عدنان
وعلى الرسوال و على صحبه وآله
الشاعر / سويلم بن مريبد الجعفري العنزي
