أنصح اللي تو بادي في مسيره
لايتزوج من بنات أهل الأشدّه
كل يومن طاشينه في جريره
حد ذاك وحد ذاك وذاك حدّه
والنهاية محد يدري وش مصيره
دخلوه السجن وكلن صار ضدّه
من خذا بنت الغني يزيد خيره
وينمي له مال مانماه جدّه
رزقته تجيه وهو على سريره
مايجيها هي تجيله عند حدّه
لاتزوج غير من كانت مديره
وأنت خلك جاهزن جيبه وودّه
خذ صاحبة المال لو ماهي نظيره
وش تبي في زولها يكفيك مدّه
لاتسألها هي صغيره أو كبيره
السؤال بلا سنع رزقك يلدّه
واركب الفكسار وانحر كل ديره
زوجتك على المخاسر مستعدّه
الشاعر/ سويلم بن مريبد الجعفري العنزي
الشاعر/ سويلم بن مريبد الجعفري العنزي
