اللي مايفزع لك ليا صرت مضرور
لا عاد تفزع له نهار المضره
خله يذوق الحزن والمر والجور
ويجرب الايام حلوه ومره
لا تسعفه لو هو على الخط مكسور
نصيحتي تبعد عنه لاتمره
لو انك ساعدته ترا مانت ماجور
خله يذوق من الغرابيل فره
لابد مادنياه تلف وتدور
ولا بد ماينهان عقب المسره
بعض العرب مغرور مغرور مغرور
متكبرن مايشوف مثقال ذره
وليا نصحتة قال مايقبل الشور
ماتبي خيره ليت يكفيك شره
انص الرجال اللي لهم بالوفاء دور
ولا الردي لاتاصله في مقره
