خالي صقر لاقال له خمسة ابيات
يسوَن لهن ميه وخمسين ناقه
من خيرة انواع الركاب الأصيلات
اللي يفوزن في مزاين سباقه
ينظم القيفان نظم الريالات
عنده على زين المعاني علاقه
لانه متعود على نظم الجزيلات
وينظم الجزلات على رواقه
صقر صقر لاصار بالوقت ميلات
الطيب صقر كاسبه من عماقه
جده نويفع يوم وقت البطولات
كم فارسٍ بالمعركة قص ساقه
اخوان هجه كاسبين الجمالات
معهم على كسب الجمايل بطاقه
وانا اتشرف باهل الطيب بالذات
واهدي لهم بالطيب وردة وباقة
الشاعر/ سويلم بن مريبد العنزي
