في كبرة الازوال لاعاد تغتر
ماكل من جسمه كبيرن غدا هام
بعض العرب مايعرف الحلو والمر
عمره كبير وعايشن مثل الانعام
حياته اللي عاشها بس يجتر
بهيمتن ياكل ويشرب وينام
من خلقته ماعاد ينفع ولا يضر
حي تقل ميت ياعله بالاعدام
لاترافق الا حر حرن ولد حر
اليا نخيته قالك الدرب قدام
صاحب سلام وشر للي يبي شر
كانه على يمناك ماعاد تنظام
احفظ رجال الطيب لليوم الاقشر
وترا الشجيع يسر بالك ليا قام
يعجبك في وقت اللقا يوم يفتر
وقت اللقى يصير لك درع وحزام
ياصار في وقت اللغى فر مع كر
يهوش من دونك مثل هوش لزام .
(لزام: كان فارس من فريس الجعافرة وكان له مشاركات بطوليه مع عقاب وحجاب )
الشاعر / سويلم مريبد العنزي
