ياصار ماتجيب حقك بيمناك
ماينفعك ياصار غيرك يجيبه
ياصار مالك هيبتن ترهب اعداك
اليا هانوك عداك ماهي غريبه
ترى العدو لو ماوطيته توطاك
عدوك مايرحمك عند الغليبه
لاتنتظر فزعات ذولا وذولاك
خذ السلاح و نط راس الجذيبه
تغدّ بعدوك قبل مايتعشاك
و من ما برز للقوم حقه غديبه
والموت لو طال الزمن يبي يلقاك
و لابد ماينحط فوقك نصيبه
والله لو حطوك في وسط شباك
مايمنعك و انته وفاتك قريبه
الشاعر / سويلم بن مريبد الجعفري
ليست هناك تعليقات:
إرسال تعليق