يابن معيتق طيبكم ماهو توّه
انتم لكم تاريخ من ماض الازمان
شجعان لامن الزمن شب ضوّه
لاضاقت الحيله ولا فيه مزبان
يزبنكم اللي هاربن من عدوّه
وليا زبنكم مايتعذب ولا يهان
يعيش معكم في صداقه وخوّه
عِده حديكم محتمينه بشامان
يوم المعارك واللقاء والحموّه
نعمٍ بكم لامن وقت اللغا شان
ياهل الكرم والطيب واهل المروّه
فرسان لاعدو هل الخيل فرسان
جدكم يوم الحرب فعله ينوّه
عبدالرحمن ابن معيتق كحيلان
والحر يطلع حر حتى نموّه
ومن كان ابوه حصان هو يطلع حصان
الشاعر / سويلم بن مريبد الجعفري العنزي
ليست هناك تعليقات:
إرسال تعليق