ياصاحبي جعل قلبك ينحرف يمّي
وان مانحرف جعل قلبي ينحرف يمّك
من سبتك ياحبيبي صرت منسمّي
الي يشوفك خطير يذبحه سمّك
من بعد شوفتك يالغالي كثر همّي
الناس ترقد وانا ماانام من همّك
ياليت ياصاحبي خيّك ولد عمّي
وابوي ياليت يالمجمول هو عمّك
وتصير ياصاحبي من لحمي ودمّي
واصير ياصاحبي من لحمك ودمّك
يالله عسى الشمل يالمجمول يلتمّي
امّا تجي يمّنا ولا نجي يمّك
كلمه غزل قلتها يازين من فمّي
وابي كلامٍ يرد الروح من فمّك
الشاعر / سويلم بن مريبد الجعفري العنزي
ليست هناك تعليقات:
إرسال تعليق