انشدك عن ناقه غزوها هل الخيل
و كلن يبي يصير قريب منها
و كلن يبي يحط من فوقه شيل
و كلن يبي يذوق لذّة لبنها
والناقه راعيها قليل المحاصيل
لو يركض ورا ناقته مامكنها
عن ناقته ينام في تالي الليل
وليا رقد كلن مسك في رسنها
يقص اثرها لين غدا بها السيل
وليا لقاها ضمها واحتضنها
الله ياخذ عقل بعض الرجاجيل
ناقه حلوب وعلّم الناس عنها
من خلقت الدنيا تضيع المهابيل
ولا خير باللي كلمته ماوزنها
ياصار راع الفيل مايمسك الفيل
ودك تجوّد لحيته وتحسنها
الشاعر/ سويلم بن مريبد الجعفري العنزي
ليست هناك تعليقات:
إرسال تعليق