ولد الردي لو علموه الفراسه
عند اللزوم يصير فعله ولا شي
و كلن على ماقيل يرجع لساسه
بعض الاوادم لاهو ميت ولا حي
واللي لبس له ثوب ماهو مقاسه
كل العرب ماتداني الملبس السي
والله يقطع كل راعي نجاسه
كم مسلمٍ غافل كلى لحمته ني
و راع الخساسه مايخلي الخساسه
ياصار ماتكويه كيٍ ورى كي
و من حب راسي قمت حبيت راسه
و من مسني في سوء دسته برجلي
الشاعر / سويلم بن مريبد الجعفري العنزي
الشاعر / سويلم بن مريبد الجعفري العنزي
ليست هناك تعليقات:
إرسال تعليق