ابنصح اللي تجهله بعض الآحوال
ياجب على المسلم قبول النصيحه
الدنيا هذي بين نازل ورحال
لها نهاية مثل وقت الشريحة
و كم واحدن يركض وراها ويحتال
و لو ضحكت له يوم ماهي صريحه
و لو ايش مايركض و يجمع من المال
لابد ما ينقال هذا مطيحه
و ياكثر ماخذت من رجال و رجال
خوذوا حذركم يالوجيه الفليحه
و ياما خذت من عم و ياما خذت خال
يالله عساهم بالجنان الفسيحه
تستقبل الآجيال و تقضي على اجيآل
و الناس بالدنيا ماهي مستريحه
و اسمح عن المخطي على كل ابو حال
لو انه ظالم قله الله يبيحه
و تراك انت الربحان يا طيب الفال
عند الولي تكتب نظيف الصفيحه
الشاعر سويلم بن مريب الجعفري
ليست هناك تعليقات:
إرسال تعليق