أنا ليا منه تعرض لي اللاش
أجنبه ما كن عيني تشوفه
أجنبه ما كن عيني تشوفه
اللي يصادقني ليا شافني كاش
وكل الطمع متمركزن وسط جوفه
أنا احسبه صديق واثره غشاش
ومميزات اهل النفاق معروفة
وقت الرخي صديق وبالضيق ينحاش
تجيه له رجفة أو يزداد خوفه
ولاينفع الجبان لو معه رشاش
ولا ينفعه جسمه وكبرة كتوفة
ولو يطلبن ما أعطيه. لو كان فشفاش
واليامنه زعل قلت جعله ذلوفه
من ذهب ماعطيه. لو عندي خياش
لو ايش ما يشكي عليه ظروفه.
أنا خوي اللي يفكون الأدباش
اللي بهم على المعادي حفوفه
اللي واحدهم. يشرح الصدر ياهاش
أتخوف العدوان. رفعت كفوفه
ما دام ان السب والمدح ببلاش
كلن يقيم على سيرة وصوفة
ومن يعمل المعروف نقول له عاش.
وراع الردى نقول بقعى تلوفه
مع تحيات الشاعر سويلم بن مريبد بن حبيب الجعفري.
ليست هناك تعليقات:
إرسال تعليق