أشوف لي ناسن مساكين و ضعوف
و اشكالهم بين الاوادم تشابه
و ليا نظرت وجيههم كلها صوف
لكن مافيها خير عند المجابه
لاتنطح العايل ولاتكرم ضيوف
حصانيه و يقلدون الذيابه
مع العرب تاريخهم غير معروف
منزلينن من سطور الكتابه
ولد الردي مكشوف مكشوف مكشوف
لو يتلبس ماسترنه ثيابه
وقت اللقاء يطير عقله من الخوف
يطير عقله و البشر ماتهابه
الشاعر / سويلم بن مريبد الجعفري العنزي
ليست هناك تعليقات:
إرسال تعليق